წინა კვირას სამსახურში დაგვჭირდა რიცხვების სიტყვად გადაყვანა-ჩვენება.
Javascript-ში სახელდახელოდ შევთითხნე შესაბამისი ფუნქცია ფრანგულისათვის და გულში ხინჯად ჩამრჩა რომ მსგავსი არაფერი გვქონდა ქართულად, ამიტომ რიცხვების ქართულ სიტყვებად გადამყვან-წარმომჩენი ფუნქციის წერა დავიწყე.
ალფა ვერსია მზად მაქვს.
გადაჰყავს მთელი რიცხვები ქართულ სიტყვებად ვიგინტილიონის (10^63) ჩათვლით.
გასაკეთებელია:
- ათწილადები სრული ფორმით (5,54 → ხუთი მთელი ორმოცდათოთხმეტი მეასედი)
- ათწილადები მოკლე ფორმით (5,54 → ხუთი მთელი ორმოცდათოთხმეტი)
- ვალუტის სახელების დაყენება (setCurency(“ლარი”, “თეთრი”))
- თანხა სრული ფორმით (5,54ლ → ხუთი ლარი და ორმოცდათოთხმეტი თეთრი)
- ათწილადები მოკლე ფორმით (5,54 → ხუთი და ორმოცდათოთხმეტი)
- რიგობითი სახელები (1 → პირველი, 5 → მეხუთე, 101 → ასმეერთე…)
- Node.js-ის მოდულად შეფუთვა
უმოკლეს ხანში გითუბზე გამოვდებ საწყისს.
გამოთქვით თქვენი აზრი, თუ კიდევ რამე დამატებითი შესაძლებლობის დამატება გგონიათ მიზანშეწონილი.
ნებისმიერი კონსტრუქციული შენიშვნა სიამოვნებით იქნებ მიღებული.
